Një shëmbëlltyrë moderne

“Historia e Ushtarit” e Igor Stravinskit është një nga veprat kulmore të muzikës së dhomës së shekullit XX, e ardhur mes muzikës, dramës dhe lëvizjes, si një alternativë e re për kohën dhe në kohë. Në këtë vepër, Stravinski sfidon kufijtë mes zhanreve dhe krijon një formë të re komunikimi artistik, ku muzika, fjala dhe lëvizja janë në simbiozë me vetë rrëfimin.

Kjo vepër teatrale-muzikore u interpretua në Shqipëri për herë të parë në një version të plotë me interpretues shqiptarë, duke shënuar një ngjarje të veçantë në jetën muzikore të vendit. E programuar për Vlorë, Durrës dhe Tiranë, koncerti në qytetin antik të Durrësit (Dyrrah) u zhvilluanë Hollin e Madh të Albanian College, në një hapësirë që me kupolën e saj imponuese, të sillte në mendje arkitekturën e kishave të vjetra europiane — një ambient që i dha veprës një dimension…